Arazoa PowerPoint-ekin

Noizbait PowerPoit baten mp3 formatuko abesti bat txertatu nahi izan baduzue, litekeena da neuk izan dudan arazo honekin topo izatea.

Microsofteko jendeari belarrietatik tiratu beharko litzaieke. Nola ote da posible, gaur egun ondorengo egoera hau:

Neure aurkezpen polita bukatzear nago eta guztiz borobiltzeko asko gustatzen zaidan abesti bat txertatuko diot. Ba honek irteeratik arazobat suposatzen du: Aurkezpena norbaiti bidali nahi badiot, abestia beste artxibo batean bidali behar da, bestela jasotzaileak mutu jasoko du aurkezpena.

Horretarako Powerpointek bere irtenbidea ematen dio. Soinua aurkezpenean txertatu behar da, baina kontuz. Aurrezarrita datorren txertatu daitezkeen gehienezko artxiboen tamaina (gaur egun, 2012. urtean) 100kb da, bai, ez dago akatzik: 100kb. Eskerrak tamaina aldatu daitekeela eta gure soinu artxiboa behar besteko tamaina eman.

Orain bigarren arazoa (de no creer) soinu artxiboa txertatu ahal izateko .wav formatuan egon behar du. Aber, Microsofteko programadore taldea, stereo kaliate normala daukan 5 minutuko mp3 artxibo batek +/- 8MBko tamaina dauka. Artxibo berdina, derrigor erabili behar den .wav formatuan jarrita +/- 50MBko tamaina dauka. EZ DA ERABILGARRIA.

Hau konpontzeko CDex programa dago. Nahi dugun Mp3 artxiboari .wav burukoa jartzen dio. Horrela Powerpointek wav artxiboa ela uste du eta tamainaren aldetik aurrezpen itzela daukagu.

Hala ere kontuz. Mp3 formatuan dagoenean musika beste soinu efektuekin batera erreproduzitzen da. Wav formatuan egoterakoan ezin da besteekin batera jarri. Musika gu nahi dugun tokian hasiko da (normalean aurkezpenaren hasieratik), baina aurkezpena hurrengo soinu efektura heltzen denean, musika geldituko da eta ez da berriro martxan jarriko.

Dana batera nahi izatekotan, mp3a mantendu behar dugu eta gero artxiboa aurkezpenarekin mantendu.

Microsfteko lagunak, mesedez konpodu egizue hau (beharbada 2010/2013 bertsioetan badago, baina 2007rarte behintzat ez)

Ausnarketa batzuk

Ikastaroaren zati handi baten ezer gutxi ikasten ari nintzelaren sentzazioa neukan. 

Baina azken txanpan konturatu naiz, zuzenean askorik ez digutela irakatsi, baina klaro, on-line ikastaro bat  den neurrian, zerbait zuzenean irakastea... Orain, ikasi, neure limiteetaraino eraman nau ikastaro honek. Nire ikastarorako helburuetako bat (garrantzitsuena ez bada, hor hurbil ibiliko da) aplikazio berriak ikastea zen, eta horixe ikasi ditudala. Prezi sekulako aurkikuntza izan da. Gaur bertan calameo erabiltzen hasi naiz. Eta hauen antzera, hainbat gehiago.

Ikt dinamizatzailearen funtzioei dagokionez, proiektu hau bera, bete behar dituen funtzioetatik irteten da. Beraz, helburu hori ere, neurri batean asetu dut. 

Laburbilduz, sekulako lana izan den arren, nahiko gustura bukatu dut ikastaroa.

Proiektuko aurkezpena

Bukatzear gaude. Proiektuak badauka dagoeneko bere azken itxura (eskolan aldaketak egiten dizkioten arte noski). Orduak izan dira, eta nire ustez, lanak nire pentsatzeko modua eta IKTen ikuspegia ondo isladatzen du.
Egia esan ere itxura grafikoa alde batera utzita, lana behar bada, ez da hain nekeza izan, baina lan bat editatzeak, itxura ahalik eta profesionalena izan dezan lortzeko, ordu mordoa dakar berarekin.
Espero dut lan ordu guzti horiek ikuslea zaren horri, gustokoa duzun zerbait erakustea.

IKT PROIEKTUAREN AURKEZPENA2

View more presentations or Upload your own.

Aurkezpena zuen ordenagailuetara jeisteko:

2.3 Jarduera: Zer gomendio egiten diegu irakasleei?

Oraingo honetan jarduerak taldeko lana eskatzen du. Aurreko taldeko ariketan baino hobeto moldatu gara, baina oraingoan ere tadea hobe funtziona zezakeen. Mila gauza dauzkagu buruan eta elkarrekin lan egitea gustatuko litzaigukeena baino zailagoa izan da.

 Hala ere, lan nahiko txukuna egin dugula uste dut.

Gure lana eskola baten IKT komisioak formakuntza saio batzuetarako egin behar duen planteamendua eskolako irakasleei azaltzea da. Horretarako guk Prezi erabili dugu.

Hona hemen gure lana:

Eskolako biltegi digitala on Prezi

Symbaloorekin arazoa?

Azkenaldian nahiko erabiltzen nabil tresna hau gelako umeekin, baina diseinu akats bat ikusten diot (guk erabiltzen dugun modurako behintzat) Gelako umeek etxetik begira ditzakete neuk eskegitzen noan edukiak, baina zeozer gehitzen dudanean, nire webmixean izenemanda dauden guztiak beren etxeetan webmixa kendu, ea berriro bilatu eta gehitu behar dute aldaketa berriak ikusi ahal izateko. Ziur asko ezjakintasunagatik gaboltza arazo horrekin, espero dut laster irtenbideren bat aurkitzea.

2.2 Jarduera: Gelako IKT jarduera

Jarduera honetarako asko pentsatzerik ez dut behar izan. Jadanik gelarako programaturik geneukan lana erabili dut. Lana entregatzeko hori bai, askoz txukunago antolatu dut dena.

 5. mailarako eta ingurunearen ezaguerako arlorako unitate didaktiko bat da jarduera honetarako proposatu dudana. Gaia "animaliak" da eta unitate honetarako erabili diren IKT tresnak honako hauek izan dira:
Smart Notebook arbel digitaleko aplikazioa, eguneroko lana bideratzeko
Prezi aurkezpen interaktiboak egiteko web tresna.
Glogster poster digitalak egiteko tresna
Symbaloo estekak biltzeko web orria
Hauek lehenagotik komentaturik dauzkagunez ez nahiz gehiago luzatuko.
Hona hemen jarduera osoa:

2.1 Jarduera (Gizarte Sareak)

Jarduera honetan talde lana egin dugu  Nagore Arozteguik, Maria Isabel Iriondok eta hirurok.

Jarduera honetan gizarte sareei buruzko hausnarketa egin behar genuen eta lortutako emaitzak Google Site batean aurkeztu.

Gutxienez hiru gauza ikasi ditut jarduera honetan:

1. Lantaldeko kide guztiak fisikoki batera daudenean lan egitea batzutan ez bada erraza, elkarrekin ez daudenean zailtasuna exponentzialki hazten da. Hala ere lortu dugu lana aurrera eramatea.

2.Google Site bat zelan sortzen den, zelan kudeatu eta ematen dituen aukeren zati bat erabiltzen. Oso interesgarria iruditu zait zein erraz sortu daitekeen web orri bat (domeñuan google beti edukitzea ez zait gustatzen, baina seguru ere zelan konpondu topatuko dut nonbaiten).

3. Interneten gaur egun sortzen ari diren sare sozial kantitate itzela, (hainbeste dira, non ezinezkoa egiten da guztiei aztarna jarraitzea) asko daude, bakoitza erabiltzaile mota bati zuzendua.

Berez ni neu sare baten kidea nintzela be konturatu barik nenbilen. Aspalditik furgoneten inguruko Furgovw foroan nabil.

Lan hau hasi eta, danba! derrepentean, Facebook eta Twitterren itzal luzea mugitu egiten da eta hara non azpitik ehundaka gizarte sare berri agertzen zaizkidan!

Bukatzeko hau da guk egindako web orria:

https://sites.google.com/site/iktproiektua2/

Proiektua aurrera doa

Gaur Proiektuaren bigarren zatiarekin bukatu dut (blog honetako Proiektua atalean ikus daiteke).

Uste dut lanaren magnitudea eskuetatik joan zaidala, eta interbentzio proiektu txiki bat egin ordez (Google Drive eskolan txertatu), eskolako IKTen inguruko proiektu osoa hartu dut eskuetan.

Honek alde onak eta txarrak baditu.

Alde batetik onak: Ez dakit eskolan zenbat denbora gehiago egongo naizen, baina nire atzetik datorren IKT dinamizatzaileak bere lanari nondik hartzerik izango du. Behintzat niretzat oso lagungarria izan da eskolako benetako egoera zein den egiaztatzeko balio izan dit. Ez hori bakarrik, proiektua gauzatzeko eman ditudan orduetan hainbat aplikazio berri joan naiz ezagutzen (batzuk nire bizitza pertsonalerako, beste batzuk eskolan gela barruan lan egiteko). Nahiko aberazgarria izaten ari dela uste dut.

Orain alde txarrak.

Proiektu hau, naiz eta benetakoa ematen duen, experimentu teoriko bat baino ez da, eta teorikoa den heinean, horretan geratzeko arriskua dauka. Ikastaroa bukatu eta tiradera baten barruan gera daiteke egindako lan guztia.

Dagoeneko proiektuaren ardatz nagusiak zuzendariari aurkeztu dizkiot eta puntu gehienekin ados dago. Ikasturteko plangintzan hainbat helburu sartuko dira aurten (eta hori bada zerbait) baina susmo txarra hartzen ari diot proiektu honen etorkizunari.

Ikusiko dugu non bukatzen den hau guztia.